Оқырман: Денем құрғап кете береді. Сондықтан да терім жиі қабыршықтанады, бұл ненің әсерінен болуы мүмкін? Суды жеткілікті ішемін. Бірақ үнемі терім ақшыл тартып қабыршықтанып тұрады.
Айгерім Маратова, дәрігер-терапевт:
Терінің қабыршықтануына көптеген факторлар әсер етуі мүмкін. Мысалы, авитаминоз кезінде, сонымен қатар А және Е дәрумендері жетіспегенде, горманальды өзгерістер мен тері ауруларында (псориаз, дерматит) кездерінде және тағы да басқа жағдайлар болуы мүмкін. Ал оның нақты неден пайда болғанын көрмей айту қиын. Ол үшін сізге дәрігердің қабылдауына жазылыңыз. Маманның тексерісінен өтіңіз деп кеңес берер едім. Сонымен қатар ағзаңызды дәрумендермен сусындатып отырыңыз.