Соңғы жылдары әйел құқығы туралы мәселелер жиі көтеріліп жүр. Оған елдегі тұрмыстық зорлық-зомбылық көретін, ердің қолынан мерт болатын әйелдердің көптігі де сеп болып отыр. Дегенмен мемлекет бұл мәселеге бей-жай қарамақ емес. Ол тұрғыда Түркістан облыстық жастар ресурстық орталығыда түрлі жобаларды қолға алған.
Осы негізде мақсатында ҚР Бас прокуратурасымен бірлесе «Отбасындағы зорлық-зомбылықсыз Қазақстан» жобасы жүзеге асырылып жатыр. Қазақстан Республикасының Тұрмыстық зорлық-зомбылық профилактикасы туралы 2009 жылғы 4 желтоқсандағы №214-IV Заңына сәйкес аудан көлеміндегі тұрмыстық зорлық-зомбылықтың алдын алу профилактикасын ұйымдастыру, тұрмыстық зорлық-зомбылықтан жапа шегіп, дағдарысқа ұшыраған жәбірленушілерге әлеуметтік, психологиялық, құқықтық және теологиялық кеңес беру жұмыстарын үйлестіріп келеді.
Жобаны жүзеге асыру мақсатында облыс әкімінің жастар саясаты мәселелері жөніндегі басқармасы аудан, қалалық «Әлеуметтік-психологиялық сүйемелдеу қызметі» секторы тікелей жұмыс жасап келеді.
Аталған тұрмыстық зорлық-зомбылықтың алдын алу мақсатында өңірімізде «Бақытты отбасы» жобасын аясында жүзеге асырудың 2020-2021 жылдарға арналған жол картасын негізге ала отырып, нәтижелі жұмыстар атқарып келеді. Атап айтқанда, 2020 жылғы қаңтар-маусым айлары аралығында «Әлеуметтік-психологиялық сүйемелдеу қызметі» секторының мамандары әртүрлі жастағы тұрмыстық зорлық-зомбылықтың алдын-алу мақсатында аудан, қала бойынша 915 психологиялық кеңес, 564 әлеуметтік кеңес, 813 құқықтық кеңес, оның ішінде 260 жастар және «Отбасы құндылықтарын насихаттау», «Отбасы бақыт мекені», «Зорлық-зомбылыққа қарсымыз», «Отбасына бейбітшілік – зорлық-зомбылықсыз қоғам», «Бақытты отбасы» тақырыптарында профилактикалық жұмыстар ұйымдастырылып, 1153 отбасы қамтылған. Сондай-ақ, жоба аясында «Неке және жарасымды жанұя», «Отбасы – алтын тұғырың» тақырыптарында аудан, қала бойынша онлайн сұқбаттар мен семинар-тренинг тұрақты ұйымдастырылып жатыр.
Алдағы уақытта, бекітілген жоспарға сәйкес аудан, қала бойынша отбасылық сағаттарды нығайту және ажырасу санын азайту мақсатында «Отбасы – алтын тұғырың», «Құт дарыған отбасы», «Отбасы құндылықтары», «Жас отбасы, оның ерекшеліктері», «Берекелі шаңырақ» тақырыптарында семинар-тренинг, дөңгелек үстел, кездесу, апталық акция және өмірлік қиын жағдайға тап болған балалармен профилактикалық жұмыстар атқару жоспарлануда. Сонымен бірге өңіріміздегі тұрмыстық зорлық-зомбылыққа түскен отбасыларға мекен-жай бойынша психологиялық, әлеуметтік және құқықтық көмек көрсету де жалғасын таба бермек.
Өйткені мұның барлығы дерлік біздегі зорлық-зомбылықтан қорлық көретін әйелдер санының азаюына, берекелі отбасында өсетін балалардың келешегіне дұрыс әсер ететіні ақиқат.