Алғашында адамда қас пен кірпік болмапты.⠀
⠀
Маңдайдан тер аққанда көздің ішіне кіріп, удай ашытыпты. Шаң-тозаң да көзге тез кіреді екен. Көз бір күні Құдайға арыз қылып: ⠀
-Иә, Алла, мен қиналдым. Шаң мен теріден сақтайтын қорған бер,- дейді. Мейірімді Алла дұғаны қабыл етіп, көздің төбесіне қасты, айналасына кірпікті қадапты. ⠀
⠀
Осыдан бастап аққан тер қасқа тіреліп, көзді айналып ағатын болыпты. Кірпіктер көзді шаң-тозаңнан қорғапты. Екеуі де көздің ажарын кіргізеді…⠀
⠀
Ал қазір біз қас пен кірпікке жиі зиян келтіреміз… Сіз де жасанды кірпікпен осыны оқып отырған шығарсыз?! Жанарымызды қорғауға жаралған қас пен кірпікті “жаралағанымыз” дұрыс па? Қалай ойлайсыздар, қыздар?
Авторы: Назгүл Ермекқызы
Фото: ашық дереккөзден
