Желтоқсан 1, 2020
Banner Content
Бөлісу

Әдемілікті жанымыз сүйетін әйел заты үйден шығарда сәнді киінуді ұмытпасақ та, үйге
келген соң сыртқы келбетімізге аса мән бермейтініміз жасыратын жәйт емес.
Психологтардың айтуы бойынша, сырт келбеттің әйел адамның көңіл-күйіне және өзіне
деген сенімділігін арттыруға берер әсері зор. Сондықтан, стилист ретінде, әдемі киінуді
үйден бастаған жөн деген кеңес беремін.

Үйге арналған киімдерді таңдауда бірнеше талапқа назар аударған жөн:

1. Ыңғайлылығы – киіміңіз қозғалысыңызға кедергі келтірмеуі қажет. Денеге тым
жабысқан, не болмаса жеңі ұзын әрі кең киім үйдегі жұмысыңызға ыңғайлы
болмайтыны анық.
2. Матасының түрі – бұл мақсатқа арналған киімнің табиғи әрі жұмсақ материалдан
болғаны абзал. Тым тығыз, қалың немесе синтетикалық матадан жасалған киім
ыңғайсыз болғанымен қоса денеңізді қажауы мүмкін.

3. Түсі – өз түс типіңізге сәйкес келетін реңкті таңдауға кеңес беремін. Себебі, үйде
көбінесе макияжсыз жүретіндіктен, үстіңіздегі киімнің түсі сізді ашып тұрғаны өте
маңызды.

Ескеретін жәйт – адамға жараспайтын түс болмайды, бірақ жараспайтын түстің реңкі болады. Стилисттің көмегінсіз өзіңізге жарасатын түс реңкін анықтаудың ең оңай жолы – күндізгі уақытта терезенің алдына барып, бір түстің әр түрлі реңкін кеуде тұсыңызға қойып, суретке түсіп көріңіз. Бетіңізде бояу болмауы қажет. Сізге сәйкес келмейтін реңк бетіңіздегі кемшіліктеріңізді айқындап көрсетіп тұрады. Керісінше, сізге келетін реңк өңіңізді ашып, бояусыз болса да бетіңізге демалғандай әсер береді.

Төменде үйге киюге болатын киімдердің үлгілерін ұсынамыз:

 

Автор: Шырын Чибиханова

Фото: Pinterest 


Бөлісу
Banner Content
Тегтер: , ,

0 Пікірлер

Пікір қалдыру

4 × one =

kkKazakh
kkKazakh