Етеккір – әйелдер физиологиясының қалыпты процесі және ол жай нәрсе емес!
Бас ауруы, ісіну, қысымның көтерілуі — осы күндері әйелдердің 90% кездесетін мәселелр екен. Ал олардың үштен бірі ғана ауруына байланысты дәрігер көмегіне жүгініп жатады.
Айлық цикл дегеніміз не және оны қалай санау керек?
Егер медициналық тілмен айтатын болсақ, айлық цикл – бұл әйелдің репродуктивті жүйесіндегі циклдық өзгерістер кешені. Ол гипоталамус, гипофиз және аналық без гормондарымен реттеледі, олардың әсерінен жатыр түтіктерінде, жатыр, қынап және сүт бездерінде функционалдық өзгерістер болады. Менструация – бұл өзгерістердің көрінетін көрінісі.
Қан келудің бірінші күні циклдың бірінші күні болып саналады. Ол қан 3-7 күн аралығында келеді, әрі қарай 21-35 күн үзіліс болады. Яғни қан келудің бірінші күні мен келесі қанның келетін күнініндегі аралық айлық цикл деп аталады. Көпшілігінде 28 күн сайын өтеді – бұл «мінсіз цикл» деп аталады.
Қыздың өміріндегі алғашқы етеккір 11-ден 15-ке дейін, көбінесе 12-14 жаста пайда болады.
Фото: Ашық дереккөзден